HENNESSY BARTENDERS CONTEST 2020
Artıq bir neçə ildir ki, Hennessy müsabiqə təşkil edir ki, bu da Azərbaycanın gənc, istedadlı barmenlərinə öz potensiallarını üzə çıxarmağa və yaradıcılıqlarını nümayiş etdirməyə imkan yaradır, qalib isə brendin ürəyi olan Fransanın Konyak şəhərinə səfər edərək bu içkinin yaranma tarixini öyrənmək şansı qazanır.
Bu il də ənənə pozulmadı! Hennessy, rəsmi distribütor Master Blend ilə birlikdə ölkənin istedadlı barmenləri üçün ən çox gözlənilən yarışmanı – Hennessy Bartenders Contest 2020-ni təşkil etdi.
Müsabiqə şərtlərinə əsasən, iştirakçılar öz eksklüziv kokteylləri üçün bir hekayə yaradaraq, onları bu kokteyli hazırlamağa nə ilhamlandırdığını izah etməli, hekayəni videoya çəkməli və sosial şəbəkələrdə paylaşmalı idilər. Brend nümayəndələri tərəfindən seçilmiş 6 finalçı, qızğın bir finalda mübarizə apardılar.
Vaqif Məmmədov – Cubar Bar
Tural Qasımov – Cubar Bar
Vladislav Merkulov – Barfly Social Hub
Elnur İsakov – Bunker Mixology Bar
Kamran Rzayev – 150 Bar & Grill
Samir Bilalov – Barduck
Hər bir finalçı birinci yer uğrunda mübarizədə öz barmenlik bacarıqlarını və yaradıcılıqlarını nümayiş etdirdi. Onlar unikal kokteyllər hazırlayaraq, keçmiş müsabiqə qalibi Valera Ramazanov, ulduz münsif Azad Şabanov və brendin nümayəndəsi Teymur Aslanovdan ibarət münsiflər heyətinə təqdim etdilər.
Müsabiqənin əsas qalibi Kamran Rzayev oldu. O, Fransaya — Konyak şəhərinə, Hennessy zavoduna və Hennessy ailəsinə məxsus Château de Bagnolet malikanəsinə səfər etmə fürsətini qazandı. Bu malikanə yalnız kral ailələrinin üzvləri, məşhur siyasətçilər və dünya ulduzlarını qəbul edib. Hazırda isə bu qonaq evi yalnız Hennessy-nin yaxın dostları və xüsusi qonaqlar üçün açıqdır.
